Mladi umetnici slika 2019

Музејот на град Скопје е местото каде денес беше отворена изложбата на најдобрите дела од проектот “Млади уметници”, кој Агенцијата за млади и спорт го реализира изминативе пет години.

Во присуство на претставници од комисијата за оценување, директорот на Агенцијата за млади и спорт Дарко Каевски се обрати на сите млади, заблагодарувајќи се за учеството на конкурсот.

-Младите се иднината на секоја земја, водечка сила и затоа насоките во кои кои се движат младите се битен фактор за успех на сите полиња. Уметноста не познава граници, националности, ниту вери, таа е универзална и претставува јазик кој сите го разбираат, потенцираше Каевски.

Проектот опфаќа пет различни категории и тоа: слика, скулптура, графички дизајн, фотографија и графика, во две одделни групи, млади од 15-20 години и 20-29 години.

Во помлада возрасна група наградени се: Душан Цветков, Константин Митевски, Каја Тасевска, и Ана Богоевска, додека кај повозрасните наградени се делата на Давор Кешќец, Денис Јагџи, Драганчо Божинов, Елеонора Накевска и Дамјан Ристевски.

Уметничките дела од проектот „Млади уметници”, љубителите на уметноста можат да ги погледнат заклучно со 8 декември, до кога ќе трае изложбата во Музејот на град Скопје.